ਪਾ ਲੈਣਾ ਓਨਾ ਔਖਾ ਨਹੀਂ
ਜਿੰਨਾਂ ਕਿ ਖੋ ਦੇਣਾ
ਉਸ ਕਿਹਾ ਮੈਨੂੰ
ਵਿਛੜ ਜਾਣ ਤੋਂ ਪਹਿਲਾਂ
ਕਿੰਝ ਰੱਖੇਂਗਾ
ਜਜਬਾਤਾਂ ਨੂੰ,ਸੱਧਰਾਂ ਨੂੰ
ਦਿਲ ਅੰਦਰ ਲੁਕਾ
ਬੜੀ ਔਖੀ ਹੈ ਜਿੰਦਗੀ ਬਿਤਾਉਣੀ
ਇੱਕਲਿਆਂ ਰਹਿ ਕੇ
ਖੁਦ ਨਾਲ ਗੱਲਾਂ ਕਰਦਿਆਂ
…………………
ਮੇਰੀਆਂ ਖਾਮੋਸ਼ ਪਥਰਾਈਆਂ ਅੱਖਾਂ
ਕਹਿ ਰਹੀਆਂ ਸਨ
ਇੱਕ ਮੁਸਕਾਨ ਲਈ ਲੱਖਾਂ ਸੱਧਰਾਂ
ਕੁਰਬਾਨ ਕੀਤੀਆਂ ਜਾ ਸਕਦੀਆਂ ਨੇ
ਤੇ ਜਿੰਦਗੀ ਬਿਤਾਉਣ ਲਈ
ਕਾਫੀ ਹੁੰਦੀ ਹੈ ਇੱਕ ਯਾਦ
ਯਾਦਾਂ ਦੇ ਸਾਗਰ ਨੇ ਮੇਰੇ ਕੋਲ
ਬਸ ਇੱਕ ਮੁਸਕਾਨ ਦੇ ਜਾਵੀਂ
“ਰੁਖਸਤ” ਕਹਿ ਜਾਣ ਤੋਂ ਪਹਿਲਾਂ ।
